ಸಸ್ಯದ ಎಲೆಗಳು ಹಸಿರು ಬಣ್ಣದಿಂದ ಹಳದಿಗೆ ತಿರುಗುವುದು ಸಾಮಾನ್ಯ ಸಮಸ್ಯೆಯಾಗಿದ್ದು, ಇದು ಬೆಳೆಯ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಇದಕ್ಕೆ ಹಲವು ಕಾರಣಗಳಿದ್ದು, ಅವುಗಳನ್ನು ಸರಿಯಾಗಿ ಗುರುತಿಸಿ ಪರಿಹರಿಸದಿದ್ದರೆ, ಸಸ್ಯ ಸಂಪೂರ್ಣವಾಗಿ ಹಾನಿಗೊಳಗಾಗುವ ಸಂಭವವಿದೆ
1. ನೀರಿನ ಕೊರತೆ ಅಥವಾ ಅತಿಯಾದ ನೀರಿನ ಬಳಕೆ
ನೀರು ಸರಿಯಾಗಿ ದೊರೆಯದಿದ್ದರೆ, ಸಸ್ಯದ ಬೇರುಗಳು ಕಡಿಮೆ ಮೊಳಕೆಯಾದ್ದರಿಂದ, ಪೋಷಕಾಂಶಗಳನ್ನು ಇಷ್ಟಪಡುವುದಿಲ್ಲ. ಕಡಿಮೆ ನೀರು ಎಲೆಗಳಲ್ಲಿ ಬಣ್ಣ ಬದಲಾವಣೆಗೆ ಕಾರಣವಾಗಬಹುದು. ಅದೇ ರೀತಿ, ಹೆಚ್ಚಿನ ನೀರು ಹಾಕಿದರೂ ಬೇರುಗಳಲ್ಲಿ ಆಮ್ಲಜನಕದ ಕೊರತೆಯಿಂದ ಎಳೆಗಳು ಹಳದಿ ಬಣ್ಣಕ್ಕೆ ತಿರುಗುತ್ತವೆ.
ಪರಿಹಾರ: ನೀರಾವರಿ ನಿಯಮಿತವಾಗಿ, ಸರಿಯಾದ ಪ್ರಮಾಣದಲ್ಲಿ ನೀಡಿ ಮತ್ತು ನೀರಿನ ಒಳಚರಂಡಿ ವ್ಯವಸ್ಥೆಯನ್ನು ಚೆನ್ನಾಗಿ ನೋಡಿಕೊಳ್ಳುವುದು.
2. ಪೋಷಕಾಂಶಗಳ ಕೊರತೆ
ಪೋಷಕಾಂಶಗಳಲ್ಲಿ ವಿಶೇಷವಾಗಿ ನೈಸರ್ಗಿಕ ನೈಟ್ರೋಜನ್, ಕಬ್ಬಿಣ ಅಥವಾ ಮೆಗ್ನೀಷಿಯಂ ಕೊರತೆಯಿಂದಾಗಿ ಎಲೆಗಳು ಹಳದಿ ಬಣ್ಣಕ್ಕೆ ತಿರುಗಲು ಕಾರಣ. ನೈಟ್ರೋಜನ್ ಪೋಷಕಾಂಶ ಸಸ್ಯದ ಹಸಿರು ಬಣ್ಣವನ್ನು ಉಳಿಸಲು ಮುಖ್ಯ ಪಾತ್ರವಹಿಸುತ್ತದೆ.
ಪರಿಹಾರ: ಪ್ರತಿ 2-3 ತಿಂಗಳಿಗೆ ಪೋಷಕಾಂಶಯುಕ್ತ ಗೊಬ್ಬರವನ್ನು ಗಿಡಗಳಿಗೆ ಹಾಕುವುದು ಉತ್ತಮ
3. ಹೆಚ್ಚಿನ ಅಥವಾ ಕಡಿಮೆ ಬೆಳಕು
ನಮಗೆ ತಿಳಿದಿರುವಂತೆ, ಸೂರ್ಯನ ಬೆಳಕಿನ ಸಹಾಯದಿಂದ ಸಸ್ಯದಲ್ಲಿನ ಕ್ಲೋರೊಫಿಲ್ ಅಂಶವು ಆಹಾರ ಉತ್ಪಾದಿಸುತ್ತದೆ. ಆದರೆ ಸಸ್ಯಕ್ಕೆ ಸಾಕಷ್ಟು ಸೂರ್ಯನ ಬೆಳಕು ದೊರೆಯದಿದ್ದರೆ, ಅದು ನಿಧಾನವಾಗಿ ಹಳದಿ ಬಣ್ಣಕ್ಕೆ ತಿರುಗಲು ಪ್ರಾರಂಭಿಸುತ್ತದೆ, ದ್ಯುತಿಸಂಶ್ಲೇಷಣೆಯ ದರ ಕುಸಿಯುತ್ತದೆ. ಬೆಳಕಿನ ಅತಿಯಾದ ಪ್ರಮಾಣವೂ ಎಲೆಗಳಲ್ಲಿ ಬಣ್ಣ ಬದಲಾವಣೆಗೆ ಕಾರಣವಾಗಬಹುದು. ತೀವ್ರವಾದ ಬಿಸಿಲು ಅಥವಾ ಪೂರ್ಣ ಸೂರ್ಯನ ಬೆಳಕು, ಸಸ್ಯದಲ್ಲಿ ತಾಪಮಾನವನ್ನು ಹೆಚ್ಚಿಸುತ್ತದೆ ಮತ್ತು ಎಲೆಗಳನ್ನು ಹಾಳುಮಾಡುತ್ತದೆ.
ಪರಿಹಾರ: ಸಸ್ಯಕ್ಕೆ ತಕ್ಕಂತೆ ಸರಿಯಾದ ಬೆಳಕಿನ ಪ್ರಮಾಣದಲ್ಲಿ ಕಾಪಾಡುವುದು ಮತ್ತು ಅವುಗಳಿಗೆ ಅಗತ್ಯವಾದ ಬೆಳಕು ಒದಗಿಸುವುದು ಉತ್ತಮ.
4. ತಾಪಮಾನ ಬದಲಾವಣೆ
ತಾಪಮಾನದಲ್ಲಿ ಶೀಘ್ರ ಬದಲಾವಣೆಗಳು ಅಥವಾ ತೀವ್ರ ಗಾಳಿ, ಮಳೆಯಂತಹ ಪರಿಸ್ಥಿತಿಗಳು ಸಸ್ಯದ ಬಣ್ಣವನ್ನು ಬದಲಾಯಿಸಬಹುದು. ಕಡಿಮೆ ತಾಪಮಾನವು ಸಾಕಷ್ಟು ಹಾನಿಯುಂಟುಮಾಡುತ್ತದೆ .
ಪರಿಹಾರ: ತಾಪಮಾನ ಬದಲಾವಣೆಗಳಿಂದ ಸಸ್ಯಗಳನ್ನು ರಕ್ಷಿಸಲು, ಅವುಗಳನ್ನು ಮನೆಯ ಒಳಗೆ ಅಥವಾ ಬೇರೊಂದು ಹವಾಮಾನ ಹೊಂದಾಣಿಕೆಯ ಪ್ರದೇಶಕ್ಕೆ ಸಾಗಿಸುವುದು ಉತ್ತಮ
5.ಕೀಟಗಳು
ಕೀಟಗಳು,ಫಂಗಸ್ ಅಥವಾ ಬ್ಯಾಕ್ಟೀರಿಯಾ ರೋಗಗಳು, ಸಸ್ಯದಲ್ಲಿ ಬಣ್ಣ ಬದಲಾವಣೆಯನ್ನು ಉಂಟುಮಾಡಬಹುದು. ಇಂತಹ ಕೀಟಗಳು ಎಲೆಗಳಲ್ಲಿ ಇರುವ ಪೋಷಕಾಂಶಗಳನ್ನು ಹೀರಿ, ಎಲೆಗಳು ಹಳದಿಯಾಗಲು ಕಾರಣವಾಗುತ್ತವೆ.
ಪರಿಹಾರ: ನೈಸರ್ಗಿಕ ಕೀಟನಾಶಕ ಅಥವಾ ಮನೆಮದ್ದುಗಳನ್ನು ಬಳಸುವ ಮೂಲಕ ಸಮಸ್ಯೆಗಳನ್ನು ತಡೆಗಟ್ಟಬಹುದು.
ಸಸ್ಯದ ಎಲೆಗಳು ಹಳದಿ ಬಣ್ಣಕ್ಕೆ ತಿರುಗಿದಾಗ, ಪರಿಷ್ಕೃತವಾಗಿ ಅದನ್ನು ಗುರುತಿಸಿ ಸೂಕ್ತ ಪರಿಹಾರಗಳನ್ನು ಅನುಸರಿಸಬೇಕು. ಇದು ಸಸ್ಯಗಳಿಗೆ ಆರೋಗ್ಯಕರ ಬೆಳವಣಿಗೆ ಒದಗಿಸುತ್ತದೆ ಮತ್ತು ಉತ್ತಮವಾಗಿ ಬೆಳೆಯಲು ಸಹಾಯ ಮಾಡುತ್ತದೆ.